Ljósmynd birt með leyfi Bjórskólans / www.bjorskolinn.is

Taktu 8. október frá fyrir bjórinn...

Það var samþykkt á síðasta aðalfundi að tileinka annan föstudag í október ár hvert, sérstöku tilefni; haustgleði eða októberfest að hætti þjóðverja.

Við erum að tala um FÖSTUDAGINN 8. OKTÓBER 2010.

MERKTU DAGINN Í DAGATALINU...ÞÚ VERÐUR UPPTEKINN UM KVÖLDIÐ!

(skráð af EEE)

Fleiri BMW hjólaeigendur í klúbbinn

– skráðu þig núna...

Eitt af því sem rætt var á nýliðnum aðalfundi klúbbsins, var sú staðreynd að það vantar mikið upp á að allir eigendur BMW-mótorhjóla á Íslandi, séu skráðir í klúbbinn.

Með markmið klúbbsins að leiðarljósi, munum við efna til átaks til að hafa áhrif á alla sem eiga BMW-mótorhjól en hafa enn ekki skráð sig í klúbbinn.

Sértu BMW-hjólaeigandi, og ekki í klúbbnum, geturðu smellt HÉR og gengið frá málinu.

GEFÐU UPP NAFN, KENNITÖLU, AÐSETUR, FARSÍMA OG HJÓLAGERÐ.

BMW-Mótorhjólaklúbburinn á Íslandi, verður þriggja ára þann 14. júní n.k.

(skráð af EEE)

---

Með rísandi sól

Hverjir, hvar, hvernig og hvert - hinn íslenski bifhjólavettvangur

Kynningarefni fyrir:

Meistaraverkefni í verkefnastjórnun

Háskóli Íslands vor 2010

Meistaranemi: Þórdís Rafnsdóttir

Leiðbeinandi: Runólfur S. Steinþórsson prófessor

Á næstunni mun meistaranemi í verkefnastjórnun (MPM) við Háskóla Íslands vinna meistaraverkefni sitt. Viðfangsefnið er hinn íslenski bifhjólavettvangur – kortlagning vettvangs og hönnun skipulagslíkans sem endurspeglar hagsmuni, gildi og framtíðarsýn hins íslenska bifhjólamanns.

Hverjir, hvar og hvernig eru íslenskir bifhjólamenn? Hverjir eru hagsmunir þeirra, gildi og framtíðarsýn? Hvernig sér íslenskt bifhjólafólk vettvanginn þróast til framtíðar?

Þessum spurningum og mörgum fleiri verður svarað í vor þegar verkefninu lýkur. Könnun meðal bifhjólafólks mun fara í gang á næstu vikum. Til að niðustaðan verði marktæk er mikilvægt að allir þeir sem veljast í úrtak svari könnuninni. Niðurstaðan hefur upplýsinga- og þekkingarlegt gildi fyrir alla þátttakendur á hinum íslenska bifhjólavettvangi og verður til afnota fyrir þá sem vilja.

Munt þú leggja þitt af mörkum til að verðmætar upplýsingar og þekking líti dagsins ljós?

Leggðu þitt af mörkum og taktu þátt með rísandi sól!

---

Skotlandsfarar í Mogganum

Í dag, 8. febrúar birtist heilsíðugrein um væntanlega Skotlandsferð BMW Mótorhjólaklúbbsins í Morgunblaðinu. Viðtalið er tekið við Guðmund Björnsson lækni og Axel Eiríksson klukkusmið og fjallar um undirbúning á áætlun ferðarinnar. Hægt er að lesa viðtalið í heild sinni með því að smella á myndina hér fyrir ofan.
 
Njáll Gunnlaugsson 

---

Myndakvöld

Stjórn hefur ákveðið að næsti félagsfundur verði myndakvöld en það er næstkomandi fimmtudagskvöld, 4. febrúar kl 20:00. Hjörtur Stefánsson mun sýna myndir frá síðasta sumri og hugsanlega mæta fleiri með myndir. Myndakvöldið verður í Fóstbræðraheimilinu, Langholtsvegi 109, gengið inn frá Drekavogi vinstra megin við sjoppuna. 

Hnit: 64° 8,161'N, 21° 51,346'W (ISN93: 360.985, 406.822)
 
Njáll Gunnlaugsson 

Nýársferðin 2010

Það var fámennt en góðmennt í þriðju Nýársdagsferð BMW Mótorhjólaklúbbsins. Lagt var af stað á sumardekkjum í 5 stiga gaddi og ákveðið að fara Heiðmerkurhringinn, sem var fljótfarinn í rennifæri. Endilega skoðið myndbandið hér fyrir ofan.
 
Njáll Gunnlaugsson 

---

Næsti fundur í janúar

Stjórn hefur ákveðið að næsti félagsfundur verði 21. janúar 2010 og fellur því næsti fundur félagsins niður. Fundurinn verður haldinn hjá Garmin umboðinu að Ögurhvarfi 2 og fáum við þar kynningu á því nýjasta í leiðsögutækjum. Skotlandsfararnir eru á fullu að skipuleggja ferðina og því góður undirbúningur að mæta og læra betur á græjurnar. Stefnan er að einn fundur í mánuði verði með þessari tilhögun og er því óskað eftir tillögum frá félagsmönnum fyrir fundina næsta vor. Jafnframt vill stjórn nota tækifærið og óska félagsmönnum gleðilegra jóla og farsældar á komandi ári.
 
Njáll Gunnlaugsson 

Sunnudagsrúntur í sól og blíðu.

 

BMW á EICMA
(sjá fréttir hér til hægri)

Látum okkur dreyma. Hér er BMW R1250GS.

(skráð af ee)

FÉLAGSTALIÐ UPPFÆRT

Búið er að uppfæra félagatalið og eru félagsmenn beðnir um að skoða upplýsingar sínar og uppfæra ef þurfa þykir. Næsti félagsfundur samkvæmt dagskrá er 1. okt kl. 20:00 í félagsheimili Snigla í Skerjafirði. Nú fer hver að verða síðastur að hjóla og stefnan sett á eina haustferð. Mætum öll.

(skráð af NG)

KÖNNUN MEÐAL HJÓLAFÓLKS UM MIKILVÆGT ÖRYGGISATRIÐI

Er gallinn þinn CE-merktur?

Dagsferð í Kerlingarfjöll 29.8.2009.

HRINGFERÐ KLÚBBFÉLAGA Í ÁGÚST

sagan öll og myndirnar...

Föstudaginn 21. ágúst hófst 4ra daga hringferð um landið á vegum ferðanendar klúbbsins undir stjórn Loga Guðjónssonar sem sá um skipulagið og farstjórn að þessu sinni.

Minnum á nýársferðina

LANDSMÓT BIFHJÓLAFÓLKS

HÚNAVERI, HELGINA 2.-5. JÚLÍ 2009

Fréttatilkynning frá Landsmótsnefnd verður send í tölvupósti til allra félaga í klúbbnum. -ee

NÆSTI FÉLAGSFUNDUR

fimmtudaginn 2. apríl 2009

Á næsta félagsfundi klúbbsins, fimmtudaginn 2. apríl n.k., mun FERÐANEFND kynna drög að ferðaáætlun fyrir árið 2009. Við hvetjum alla áhugasama félaga til að mæta og leggja sitt af mörkum svo ferðirnar verði fjölbreyttar og henti ekki síst götuhjólum. Allir eru hvattir til að koma með tillögur/athugasemdir með því að senda póst á; hjortur@internet.is, eða ræða málin á fundinum. Metfjöldi mætti á síðasta fund, nú gerum við enn betur! -ee

AÐALFUNDUR KLÚBBSINS

verður fimmtudaginn 16. apríl 2009

Dagskrá: Venjuleg aðalfundarstörf samkvæmt lögum félagsins

Nánari tímasetning kynnt síðar.

-ee

Ferðaskipulag ársins 2009

komið með hugmyndir / nánar rætt á félagsfundi

Á síðasta stjórarfundi klúbbsins, var ákveðið að óska eftir tillögum að ferðum eða áfangastöðum fyrir allt hjólaárið 2009. Megin áherslan verður vitaskuld lögð á tímabilið frá vori fram á haust.

Við hvetjum ykkur öll til að segja ykkar álit á neðangreindum hugmyndum OG/EÐA SENDA YKKAR HUGMYNDIR til: info(hjá)bmwhjol.is.

Við munum svo ræða hugmyndirnar á félagsfundi við fyrsta tækifæri.

Veitið því athygli að innan klúbbsins eru bæði götuhjól og torfæru/ferðahjól. Það er sérstaklega gaman ef hægt verður að blanda ferðum á þann hátt að félagsmenn nái að kynnast betur og ferðast á ólíkum hjólum, þ.e. blanda saman akstri á malbiki (bundnu slitlagi) og malarvegum.

Komið með tillögu að FYRSTU VORFERÐINNI; jafnvel fyrstu helgina í maí 2009?

TILLÖGUR SEM HAFA KOMIÐ FRAM:

- Stuttar útileguferðir, ein nótt í tjaldi

- Hringferð um landið

- Hálf hringferð um landið með útúrdúrum / skipt í 2 ferðir.

- Fjallaferð með gistingu í tjaldi/sveitahóteli

- Dagsferðir á laugardögum

- Kvöldferðir um nágrenni höfuðborgarinnar

- Ferð til Skotlands

o.fl. o.fl.

-ee

BMW mót í Portúgal

Þann 24.-28. júní næstkomandi fer fram BMW mótorhjólamót í Lissabon í Portúgal. Það er BMW Club Europa sem stendur fyrir mótinu í samvinnu við BMW Motoclube Portugal. Er þetta mót það 47unda í röðinni og er vinnuheitið "Ride your Passion."
BMW Motoclube Portugal hefur útbúið tvo ferðapakka fyrir þá sem vilja koma á mótið. Fyrir þá sem koma á hjóli er búið að panta hótel við sjávarsíðuna nálægt þeim stað sem Portúgalir kalla vestasta odda Evrópu. (Þeir hafa greinilega ekki heyrt af Látrabjargi.)
Eins er hægt að fljúga beint og leigja BMW hjól af Hertz á sérstökum kjörum og taka þátt í hópkeyrslum og skipulögðum ferðum. Þar sem BMW mótorhjólaklubburinn á Íslandi er meðlimur í FEBC geta meðlimir gengið beint inn í þessi kjör og tilboð. Nánari upplýsingar á www.bmwmotoclube.com
-NG

Hin árlega nýársdagsferð farin

Farið var í hina árlegu nýársferð BMW mótorhjólaklúbbsins frá N1 í Ártúnsbrekku þann 1. janúar síðastliðinn. Þótt veðurspáin hefði lofað góðu var suddarigning en það stoppaði ekki þá Gunnar, Eyþór, Gísla og Njál frá að fara Bláfjallahringinn. Þegar komið var upp að snjólínu var ennþá töluvert slabb á veginum og vindhviður en ákveðið var að halda áfram að malaveginum yfir í Hafnarfjörð og sjá hvort hann væri fær. Reyndist svo vera þótt talsverður snjór væri á honum næst skíðasvæðinu og skánaði færið eftir því sem neðar kom, en bætti hins vegar í vindinn sem núna var á hlið. Það var því eins og að koma í vorblíðu að fá suddann aftur á Krísuvíkurvegi áður en menn komu heim í heita sturtu. En eins og mottó þessarar ferðar segir: "Við förum hvernig sem það viðrar."
-NG

Næsti félagsfundur verður fimmtudaginn 22. janúar 2009

Stjórnin hefur ákveðið að fella niður félagsfundi, fram í lok janúar.

Fyrsti fimmtudagur janúarmánaðar er nýársdagur, svo við breytum út af áður auglýstri dagskrá og höldum fyrsta fund ársins, fimmtudaginn 22. janúar kl. 20 í félagsheimili Snigla í Skerjafirði - eins og venjulega. -ee

Mikil ánægja með Haustgleðina, föstudaginn 14. nóvember;

"Ég var einn af þeim heppnu sem tóku þátt, mér til óblandinnar ánægju og ómældrar gleði", sagði Axel Eiríksson.

Haustgleðin var að þessu sinni haldin í sal Iðnaðarmanna í Skipholti, stórgóðum salarkynnum sem hentuðu frábærlega. Það kom í ljós við upphaf veislunnar að gestir ætluðu að njóta kvöldsins; bros á hverju andliti og eftirvænting gestanna svo augljós - í daufri birtunni frá kertaljósunum á uppdekkuðum langborðunum.

Freyðivínið vakti lukku og það gerðu líka smábrauðin með paté yfirbragði, sem var algjört ljúfmeti - framborið þegar gestir komu í hús.

Hlaðborðið með íslensku lambakjöti, grísakjöti og tilheyrandi meðlæti var rómað í samtölum gesta allt kvöldið, en ábætisrétturinn var kaffi og brúnterta sem allir kunnu að meta. Undir borðhaldinu fengu ljósmyndir klúbbfélaga að njóta sín á breiðtjaldi, auk þess sem allir fengu leiðbeiningar um torfæruakstur af útlendum mynddiski sem sýndur var eftir matinn.

Fyrirtækið Ó. Johnson & Kaaber, umboðsaðili Philips á Íslandi; færði gestum forláta vasaljós að gjöf / upptrekkjanlegt og þarf engar rafhlöður. Eigulegur gripur sem fékk ómælda athygli. Við færum ÓJK bestu þakkir fyrir rausnarlegan stuðning. Eins færum við Freyju staðarhaldara og Veisluþjónustu Jónu Herberts fyrir aðild þeirra að góðu og skemmtilegu kvöldi. Þeim félögum sem áttu hlut að máli, þökkum við aðstoðina. -ee  

Góð mæting á fund 6/11

Það var vel mætt á félagsfundinn 6 nóv. og komu margir hjólandi. Alls voru 17 félagsmenn mættir og var rætt um komandi haustfagnað og hugsanleg ferðalög á næsta ári. Allir sem mættir voru ætla að koma á haustfagnaðinn og var gott hljóð í mönnum þrátt fyrir þjóðfélagsástandið. -NG

Vetrarstarf BMW Mótorhjólaklúbbsins

Nú er komin mynd á hvernig starfi klúbbsins verður háttað í vetur:

FÉLAGSFUNDIR Á NÝJUM STAÐ, NÝJUM TÍMA

Í vetur ætlum við að hittast í nýju félagsheimili Snigla í Skerjafirðinum, klukkan 20:00;  fyrsta og þriðja fimmtudagskvöld í mánuði og munu fundir vetrarins verða tengdir málefnum sem verða kynnt hér á heimasíðunni með góðum fyrirvara. Sem dæmi munu Njáll og Eyþór vera með ferða og myndasýningu á félagsfundinum þann 16. október n.k.

Félagsheimili Snigla er í gömlu birgðastöð Skeljungs í Skerjafirði / fyrir neðan endastöð Strætó. Ekið inn portið til hægri. Fundaraðstaðan er á 1. hæðinni.

VONUMST TIL AÐ SJÁ YKKUR SEM FLEST KL. 20:00

– annan hvern fimmtudag í vetur.

  Tilboð á smurningu til BMW félaga

Krossgötur ehf, umboð fyrir Triumph mótorhjól á Íslandi býður upp á smurolíur og síur á lager fyrir flestar gerðir BMW hjóla. Fá félagsmenn 10% afslátt á olíu og síum, stálbremsuslöngum o.fl. Umboðið og verkstæðið eru til húsa að Fiskislóð 26. Nánari upplýsingar um síur á lager á auglýsingasíðu.

World of BMW kynnir Biking Viking

Það er alltaf gaman þegar Íslendingar komast í fréttir í útlöndum. Biking Viking, fyrirtæki Njáls, Eyþórs og Ingólfs rataði inn á heimasíðu World of BMW. - Ísland, sem hjólaland, er hægt og sígandi að komast inn á kortið hjá BMW fólki úti í heimi og við eigum eflaust eftir að fá heimsóknir frá félögum í öðrum BMW hjólaklúbbum. Spennandi tímar framundan

Kíkið á umfjöllun World of BMW með því að SMELLA HÉR

BMW mótorrad dagar í Þýskalandi 2008

Stærsta BMW mótorhjólapartý í heimi verður haldið 4.-6. júlí n.k. í Hausberg á Garmisch-Partenkirchen. Þannig að ef þið eruð á flakki um Evrópu á þessum tíma er upplagt að skella sér. Enda hvað er meira kúl en að mæta á hjólafund í T-shirt frá mótinu:  "bin there done that".

Meira um þetta með því að SMELLA HÉR

já

Loksins einhverjir sem geta sinnt Bimmunum okkar

BMW félagarnir Eyþór og Jón Sigurgríms eru að opna Hjólaþjónustu og Hjólahótel í Reykjavík. Aflestrartölvan þeirra er komin til landsins og í fulla notkun. Vefstjórinn sendi hjólið sitt aflestratölvuna hjá þeim félögunum og fékk þær fregnir að allt væri eðlilegt og hjólið í fullkomnu lagi . . . dásamlegt :-)

Nánari upplýsingar um tölvuna og BMW hjólaþjónustuna fást hjá Eyþóri í síma 6959421 eða á eythoro@gmail.com

Ef fjallið kemur ekki til Múhameðs . . .

Það er ljóst að B&L ætlar ekki að flytja inn hjól á næstunni. Ef þig langar í nýjan Bimma, kíktu þá á liðinn „Auglýsingar“ hér á síðunni.

Dakarinn hans Odds í aðgerðum

Dakarinn hans Odds félaga okkar var notaður sem neyðarþjónustutæki á Gay Pride s.l. sumar, þetta var hugsað sem fyrsta hjálp í neyðartilvikum þegar sjúkrabíll á erfitt með að komast leiðar sinnar. Júlíus, ljósmyndari mbl. tók þessa mynd af hjólinu við umrætt tækifæri.

Það var fámennt en góðmennt í þriðju Nýársferð BMW Mótorhjólaklúbbsins. Rúmlega 11 voru aðeins við Eyþór mættir og í fimm stiga gaddi ákváðum við að skreppa Heiðmerkurhringinn. Tekið skal fram að hjólin voru aðeins á milligrófum dekkjum án nagla. Það er frábært að opna nýja árið á þennan hátt og vonum við að mætingin verði betri að ári.
 
Njáll Gunnlaugsson