FUNDARGERÐIR STJÓRNAR
Stjórnarfundur haldinn miðvikudaginn 19. mai 2010. Fundarstaður Síðumúli 19.
Á fundinn mættu Hólmar,Axel,Eyþór,Guðmundur T. Guðmundur R. og sérstakur gestur
fundarins Erling Elís Erlingsson vefsíðu stjórnandi klúbbsins. Fundurinn hófst kl.18.15.
Dagskrá.
A. Bréf með félagsskírteinum-Eyþór kynnir.
B. Staða á innheimtu félagsgjalda og tímasetning útsendingu félagsskírteina.
C. Ferðamál. BMW hjóladagur nánari útfærsla – staða á öðrum ferðum.
D. Vefmál; sérstakur gestur Erling E. Erlingsson.
E. Næsti almenni félagsfundur – ákveða – boða með tölvupósti og SMS tækni.
F. Önnur mál.
Í upphafi spunnust umræður um heimasíðuna, Erling óskaði eftir því að menn yrðu duglegri að senda inn greinar og myndir frá starfi félagsins. Sérstaklega óskaði hann eftir því að að fá innsendar myndir í jpg. og texta í word skjali til að auðvelda sér
alla eftirvinnslu.
Ákveðið var um að fá Hilmar Jónsson fararstjóra til að taka saman ferða og myndasögu af Skotlandsferðinni sem nokkrir félagsmenn tóku þátt í.
Ennfremur hvatti Erling menn til að senda inn myndir af hjólum sínum til að setja inn á síðuna.
Eyþór tók að sér að sjá um innsetningu á myndum og texta frá Skotlandsferðinn.
Eyþór upplýsti að frágangur á félagsskírteinum væri á lokaprettinu og væri hann tilbúinn að ganga frá netfangalista yfir alla félagsmenn og halda utan um hann. Eyþór og Hólmar græja þessi mál næstu daga.
Ferðamál virðast vera í góðum höndum og er þess farið á leit við umsjónarmenn ferða að þeir halda lista yfir ferðafélaga og hann komi fram á heimasíðu klúbbsins.
Vegna BMW hjóladagsins tók Guðmundur R. að sér að fá Grindvíkingana þá Hermann og Jón Emil til að sjá um veitingar í Grindavík þennan dag.
Sett var saman dagatal yfir ferða og fundartíma og mun Eyþór sjá til þess að koma dagatalinu inná heimasíðuna sem fyrst.
Ákveðið var að upphafsstaður funda í sumar yrði hjá OLÍS stöðinni Norðlingaholti.
Næsti fundur verður haldinn 3. júní klukkan 19.00 að OLÍS Norðlingaholti.
Fundi slitið kl.20.10
Guðmundur Ragnarsson
Ritari
FUNDARGERÐ
Stjórnarfundur þann 22. apríl 2009. Fundarstaður heimili Axels Eiríkssonar. Fundurinn hófst kl. 20:30. Fundarmenn: Njáll Gunnlaugsson, Guðmundur Ragnarsson, Hjörtur Stefánsson, Axel Eiríksson og Eyþór Örlygsson.
Dagskrá fundarins:
Verkaskipting stjórnar
Atriðir er varða lagabreytingar, praktískir hlutir eins og flutningur lögheimilis o.sv.frv.
Ferðaáætlun
Heimasíða
Stofnun LÍM (Landssamband Íslensks Mótorhjólafólks)
Erlend málefni
Önnur mál
Verkaskipting stjórnar:
Njáll Gunnlaugsson formaður stjórnar setti fundinn. Hjörur Stefánsson var einróma kosinn gjaldkeri. Talsverð umræða varð um embætti ritara og að lokum var Guðmundur Ragnarsson kosinn ritari. Þar af leiðandi eru þeir Axel Eiríksson og Eyþór Örlygsson meðstjórnendur.
Lagabreytingar o.sv.frv.:
Er varðar flutning lögheimilis klúbbsins frá Laugateig 33 í Nökkvavog 18 sér Njáll um. Prókúruhafar klúbbsins eru skv. ákvörðun fundarins formaðurinn Njáll Gunnlaugsson og gjaldkerinn Hjörtur Stefánsson.
Formanni var falið að fá fundargerð aðalfunar hjá Hólmari Svanssyni fundarritara.
Njáll tilnefndi Erling Erlingsson og Oddur Eiríksson í skemmtinefnd það var samþykkt einróma.
Ferðaáætlun:
Fundarmenn lýstu ánægju með störf ferðanefndar.
Njáll setti fram hugmynd um að skipuleggja eina utanlandsferð á næsta ári. Til dæmis á BMW klúbbmót eða stóra BMW mótið í Garmisch-Partenkirchen sem haldið er fyrstu vikuna í júlí ár hvert.
Umræða var um eftirmiddags- og kvöldferðir sem nefndin skipulegði hverju sinni og yrðu kynntar á heimasíðunni og með tölvupósti.
Nýr upphafspunktur eða fundarstaður í nánustu framtíð var ræddur. Í ljósi væntanlegra breytinga og nýju húsnæði Sniglanna var ákveðið að fresta þessu máli. Það er inni í myndinni að eiga samvinnu við Sniglana. Verður því félagsheimili Sniglanna í Skerjafirðir enn um sinn okkar bækístöð.
Heimasíða:
Fundurinn ákvað að fá Andrés Hafberg og Erling Erlingsson til að taka að sér umsjón með heimasíðu klúbbsins. Ritara var falið að hafa samband við Andrés og formaður verður í sambandi við Erling. Eyþór sér um samskipti við netfyrirtækið Allar áttir ehf þannig að Andrési og Erlingi sé tryggður fullur aðgangur að heimasíðunni svo og allir stjórnarmenn.
Stofnun LÍM:
Formaðurinn lýsti því að frá 2006 hafi staðið til að stofna heildarsamtök mótorhjólaklúbba. Tilgangurinn að taka á stærri málum bifhjólafólks. Til stendur að stofna LÍM 23. apríl 2009. Stjórnin var einróma sammála um að BMW klúbburinn yrðu stofnfélagar. Formaðurinn lýsti því að fundir LÍM færu aðalleg fram á netinu og ekki yrði um að ræða félagsgjöld.
Erlend málefni:
Fundarmenn voru sammála um að formaðurinn ritaði grein inn á heimasíðu BMW klúbbsins þar sem lýst væri starfsemi FEBC og hvað þýðingu samtökin hefðu fyrir okkar klúbb.
Önnur mál:
Axeli var falið að láta útbúa mynjagripi svo sem borðfána eða drykkjarkrúsir. Tilgangurinn er að geta skilið eftir hjá gestgjöfum okkar í ferðunum.
Eyþór tók að sér að fá BMW merkin frá B&L helst gefins.
Fundurinn frestaði til næsta félagsfundar umræðu um meðferð félagatals.
Innheimta félagsgjalda var ákveðin. Félagsgjaldið eru kr 5.500 með eindaga 1. júlí 2009 eftir eindaga er innheimt 500 króna vanskilagjald. Viðskiptabanka félagsins verður falin innheimtan.
Næstkomandi laugardag 25. apríl 2009 kl. 15:00 mun fromaðurinn verða með akstursæfingar í tvær klukkustundir á Skarfabakka félagsmönnum að kostnaðarlausu.
Næstir stjórnarfundur var ákveðinn þann 27. maí 2009 fundarstaður Sólrún 5 kl. 20:00.
Fundarritari/Guðmundur Ragnarsson
FUNDARGERÐ
Fundur nr. 2/2009
Stjórnarfundur þann 2. júní 2009. Fundarstaður heimili Guðmundar Ragnarssonar.
Fundurinn hófst kl. 20:00. Fundarmenn: Njáll Gunnlaugsson, Guðmundur Ragnarsson, Hjörtur Stefánsson, Axel Eiríksson og Eyþór Örlygsson.
Engin formleg dagskrá lá fyrir fundinum.
Fundargerð síðasta fundar:
Guðmundur Ragnarsson las fundargerð síðasta fundar. Hún var samþykkt samhljóða með óverulegum breytingum. Umræður voru um hvernig standa skyldi að frágangi fundargerða í ljósi þess að engin regla hafði skapast. Ákveðið var að fundargerð yrði send stjórnarmönnum rafrænt innan þriggja daga frá fundi. Ef engar athugasemdir berast innan tveggja daga skoðaðist hún samþykkt og yrði sett inn á heimasíðu klúbbsins.
Stofnfundur LÍM:
Njáll greindi fundarmönnum frá stofnfundi LÍM sem haldinn var 23. apríl 2009. LÍM er ekki stýrt af formlegri stjórn. 2/3 félagsmanna þarf til að málefni fái framgang hjá félaginu. 7.700 félagsmenn um það bil eru innan regnhlífasamtaka LÍM. Fyrsta málefni sem LÍM beitir sér í er hættuleg hraðahindrun við Garðakirkju í Garðabæ. Dúllarar báru máið upp.
Vegmerkingar:
Umræða var um bættar merkingar úti á vegum þar sem bundnum slitlagi sleppir. Njáll benti á heimasíðu Vegagerðarinnar en það er línkur til að koma á framfæri ábendingum. Ákveðið var að setja línkinn inn á heimasíðu klúbbsins svo auðveldara væri að senda inn athugasemdir til vegagerðarinnar.
Þýzki sendiherrann:
Ákveðið var að bjóða þýzka sendiherranum Dr. Karl Heinz Müller í mótorhjólaferð með klúbbnum. Dr. Müller er reynslumikill BMW hjólamaður. Njáli og Guðmundi var falið að hafa samband við Dr. Müller.
Otradalsferðin:
Ákveðið var að fá Hilmar til að skrifa grein um Otradalsferðina á heimasíðuna. Ferðin var farin helgina 22 – 25 maí s.l. Ásamt því að setja inn myndir úr ferðinni inn á heimasíðu.
Könnur:
Í framhaldi af síðasta stjónarfundi voru framleiddar 14 könnur með merki félagsins og var kostnaður af því krónur 31.723. Þegar hafa verið gefnar þrjár könnur, 2 að Stúfholti og ein að Otradal.
Önnur mál:
Næstir stjórnarfundur var ákveðinn þann 16. júlí 2009 fundarstaður í Sníglaheimilinu á undan félagsfundinum.Fundurin hefst stundvíslega klukkan 19.00.
Fundarritari / Guðmundur Ragnarsson
FUNDARGERÐ
Stjórnarfundur þann 28.september 2009.
Fundarstaður heimili Hjartar Stefánssonar. Fundurinn hófst kl.20.30.
Mættir voru Njáll Gunnlaugsson, Axel Eiríksson, Hjörtur Stefánsson og
Guðmundur Ragnarsson.
Engin dagskrá lá fyrir fundinum.
Njáll setti fundinn og sagði okkur frá samskiptum sínum við Erling
formann skemmtinefndar vegan fyrirhugaðrar haustgleði klúbbsins. Allur undirbúningur væri á áætlun og ætlunin að halda haustgleðina á
t.d. loftinu á Lækjarbrekku eða Hótel Holti.
Stjórnin var sammála því að Erling sæi alfarið um alla skipulagningu og
allir stjórnarmenn yrðu honum innanhandar ef hann óskaði eftir.
Allir voru sammála að félagið niðurgreiði kostnað allt að 4500 kr. á
hvernfélagsmann. Aðrir gestir greiði fullt gjald að undanskildum fordrykk í boði félagsins fyrir alla.
Hjörtur upplýsti að 41 félagi hefði greitt félagsgjald og hann hefði
nýlega sent lista á þá Erling og Njál til að uppfæra á netinu.
Ennfremur óskaði Hjörtur eftir því að menn reyndu að safna saman myndum
fyrir haustgleðina annaðhvort á diskum eða lyklum.
Tillaga kom fram á fundinum að ganga til samninga við formann klúbbsins
og kaupa mótorhjólabókina “Þá riðu hetjur um héruð” til jólagjafa handa skuldlausum félagsmönnum.
Fundi slitið kl.21.45
Fundarritari/Guðmundur Ragnarsson
Stjórnarfundur
haldinn að Síðumúla 19. klukkan 20.20, þann 11. mars 2010
Mættir á fundinn voru Hómar, Guðmundur Traustason, Eyþór, Axel og Guðmundur Ragnarsson.
Dagskrá:
1. Ákvörðun um framhaldsaðalfund vegna kjörs á varamanni í stjórn
2. Stjórn skiptir með sér verkum. Ritari og gjaldkeri
3. Ferðanefndarmál – skipun ferðanefndar (í ljósi ákvörðunar í lið 1 ) hvort við eigum að taka ferðanefndarkjör inn á framhaldsaðalfund eða tilnefna ferðanefnd beint úr stjórn.
4. Ýmsar hugmyndir sem beint var til okkar af fundinum:
a. Félagakort
b. Öflun nýrra félaga – bréf og eða viðburður
c. Ástæður fyrir að vera félagi í klúbbnum – afslættir, tæknilegur stuðningur, félagskapur, ferðir eitthvað annað.
d. Efling vefsins – hvernig getum við stutt við Erling og starfið með .
5. Önnur mál sem á okkur brenna og geta bætt klúbbinn
#1
Fyrsta mál var verkaskipting stjórnar Axel Eiríksson gjaldkeri ,Guðmundur Ragnarsson ritari,
Eyþór Örlygsson og Guðmund Traustason meðstjórnendur.
#2
Stjórnin kaus Guðmund Traustason ábyrgðarmann ferðanefndar og aðalfararstjóra ársins en fyrsti fundur ferðanefndar verði að Tangarhöða 2 þann 8. apríl klukkan 20.00. Sá fundur yrði ennfremur félagsfundur mánaðarins.
#3
Biking Viking bauðst til að halda kynningarfund þann 15.apríl og var það þegið með þökkum.
#4
Hugmyndir að nýjum fundarstað voru ræddar en engin ákörðun tekin.
#5
Ritara var falið að athuga kostnað við gerð félagsskírteina og ætlar Eyþór að verða honum innanhandar með að fá sýnishorn frá BMW í Svíþjóð.
#6
Ákveðið var að gera allt til að efla starfsemi klúbbsins meðal BMW eigenda með sérstökum BMW hjóla degi.
#7
Ritari tók að sér að athuga kostnað við útskrift frá Umferðarstofu um BMW hjólaeign.
#8
Ennfremur tók ritari að sér að fá B&L til að gefa félaginu barmmerki sem B&L létu gera fyrir klúbbin við stofnun hanns.
#9
Áveðið var að bjóða Njáli að sinna störfum með L.Í.M.
#10
Axel var falið að ganga frá fimm ára félagsgjaldi til Njáls sem greiðslu fyrir bókina „Þar riðu hetjur um héruð“
#11
SMS boðun á félagsfundi er nýjung en Eyþór og Guðmundur Traustason taka að sér umsjón þeir áætla að ljúka undirbúningi fyrir næsta fund.
#12
Ákveðið var að boða Erling með okkur á næsta stjórnarfund og fara aðeins í gegnum heimasíðuna.
Næsti stjórnarfundur verður haldinn 8.apríl kl.19.00
Fundi slitið 21.45.
Guðmundur Ragnarsson.
Ritari
Stjórnarfundur
Stjórnarfundur haldinn fimmtudaginn 8. apríl 2010. Fundarstaður Tangarhöfði 2. Á fundinn mættu Hólmar,Eyþór,Axel Guðmundur Traustason og Guðmundur Ragnarsson. Fundurinn hófst klukkan 19.30.
Dagskrá: 1. Félagsaðild-bréf og ákvörðun hvort við sendum það á alla BMW hjólaeigendur á landinu.
2. Gerð félagsskírteina
3. BMW hjóladagur útfærsla.
4. Boðun til ferða með SMS tækni.
5. Vefmál sérstakur gestur Erling Erlingsson.
#1
Í upphafi var gengið frá umboði til Axels vegna prókúru á bankareikning félagsins.
#2
Ritari félagsins gerði grein fyrir kostnaði við gerð félagsskírteina sá kostnaður lág í kringum 20 þúsund krónur miðað við 100 stk. Hólmar og Guðmundur Traustason tóku að sér að sjá um að láta útbúa skírteinin og Eyþór að semja bréf með því.
#3
Ákveðið var að láta skírteinið gilda frá mai til mai ár hvert. Ennfremur yrði séð til þess að nöfn þeirra fyrirtækja sem veita félagsmönnum afslátt yrðu sett inná heimasíðu okkar.
#4
Hólmar lagði fram uppkast að bréfi til allra BMW hjóla eiganda og er meiningin að senda það í pósti til ófélagsbundinna eigenda en aðrir fá það í tölvupósti.
Eyþór tók að sér að senda Logo félagsins til Hólmars í tölvupósti.
#5
Ákveðið var að halda ferðadag fyrir alla BMW eigendur laugardaginn 5.júní kl.13.00
#6
Félagið keypti lista yfir alla eigendur BMW hjóla af Umferðarstofu og kostaði hann 5.995 kr.
#7
Guðmundur Traustason kynnti lausn að sendingu smáskilaboða með sms tækni og reyndist kostnaður vera á bilinu frá 18-20 þúsund krónur á ári. Ákveðið var að ganga frá samkomulagi við Símann. Fast mánaðargjald væri 490kr.og hvert sms 5kr.
#8
Eyþór óskaði eftir að fá að auglýsa sérstakan Biking Viking dag á heimasíðu okkar og voru allir sammála.
Sérstakur gestur fundarins var upptekinn og mætti því ekki.
Fundi slitið klukkan 20.00
Guðmundur Ragnarsson
Ritari
