Þakgil 2017

Þakgilsferðin var farin helgina 30. júní – 2. júlí.  Alls voru um 10 félagar skráðir til leiks.

Ferðin hófst á föstudeginum þar sem safnast var saman við RMC og lagt af stað kl 18:00.  Ekið var eftir þjóðvegi til til Víkur í Mýrdal þar sem kvöldmatur var snæddur á veitingastaðnum Syðri-Vík.  Síðan var ekið sem leið liggur í Þakgil og tjöldum slegið upp.

Á laugardagsmorgninum vöknuðu menn hressir enda léttskýjað og sólin byrjuð að skína.  Ákveðið að leiðangur dagsins yrði inn að Laga og Lakagígum og byrjað var á að keyra til Kirkjubæjarklausturs þar sem menn fylltu bensíntanka og nestuðu sig upp.  Síðan var lagt af stað áleiðis upp Lakaveg.  Stutt nestisstopp við skálana í Blágiljum og síðan var haldið af stað og stoppað við skála landvarða í Laka.  Sama leið síðan ekin til baka og endað með glæsilegri grillveislu í Þakgili.

Á sunnudeginum gátu menn valið um að fara þjóðveginn heim eða yfir Fjallabak Nyrðra,  þeir sem fóru þá leið óku af stað austur fyrir, framhjá Hrífunesi og stoppuðu stutt við í Hólaskjóli.  Síðan var Fjallabaksleiðin ekin þangað til að komið var að gatnamótum inn að Dómadal en sú leið var lokuð og því ekkert annað í stöðunni en að fara norður í Hrauneyjar.  Síðan var komið við í Gjánni, ekið niður Þjórsárdal, framhjá Skálholti og yfir gömlu Lyngdalsheiðina að Þingvöllum og loks til Reykjavíkur.

Frábær ferð með góðum félögum.

Hér má sjá myndband úr ferðinni: